ساٸنس کا تعارف (Introduction and Role of Sciencel

ساٸنس کا تعارف اور کردار

(Introduction and Role of Science) 

ساٸنس کیا ہے اردو میں 

  

(what is Science)ساٸنس کیا ہے ؟

(Scientia)ساٸنس ایک لاطینی لفظ سے اخذ کیا گیا ہے جس کے لغوی معنی حقاٸق کا اصلی شکل میں باقاعدہ مطالعہ کرنا ہے ساٸنس کا بنیادی اصول مشاہدہ اور استدلال ہے ۔تجربات کی روشنی میں ساٸنسی قانون وضع کرنا ساٸنسی طریقہ کار کہلاتا ہے ۔

(History of Science)ساٸنس کی

 تاریخ

ساٸنس اتنی ہی قدیم ہے جتنی کہ تاریخ ۔انسان کی تخلیق کے ساتھ ہی ساٸنس کی تاریخ کا آغاز ہوگیا تھا۔ وقت گزرنے کے ساتھ ساتھ انسان نے اپنے گردو پیش کی اشیا کے بارے میں جو کچھ بھی سیکھایا کسی نہ کسی طرح سے دریافت کیا اس سے ساٸنس کے علم میں اضافہ ہوتا گیا ۔مثال کے طور پر جب انسان نے پہلی مرتبہ لکڑی کو جلا کر آگ حاصل کی تو قدرتی طور پر جلنے کا عمل دریافت ہوا ۔اس عمل کے ساتھ ساتھ انسان نے یہ بھی دریافت کیا کہ لکڑی تو جلتی ہے  لیکن پتھر نہیں جلتا ۔

یونانی فلاسفر جہاں دوسرے علوم پر حاوی رہے وہاں ساٸنس میں بھی ان کا کافی عمل دخل رہا ۔یہ فلاسفر 500 مسیح سے ساٸنس میں دلچسپی لینے لگے ۔یونانی نظریات کی تجرباتی تصدیق کے قاٸل نہیں تھے ۔ان کا خیال تھا کہ دنیا میں موجود تمام چیزیں چار ایلیمنٹس یعنی ہوا پانی مٹی اور آگ سے بنی ہیں اور یہ کہ ان چار ایلیمنٹس کے مختلف تناسب سے ایک شے دوسری شے میں تبدیل ہو سکتی ہے ۔

اسلامی کیمیا گری کا دور 

سے600 سے 1400 سن عیسوی کا دور اسلامی کیمیا گری کا دور کہلاتا ہے ۔اس دور میں بہت سے لاٸق اور تحقیق ذہن رکھنے والے لوگوں نے مادے کے خواص کا مشاہدہ کیا ،نٸے تجربات کیے گٸے  ہوا ۔اور نٸے ایلیمنٹس مثلا آرسینک دریافت ہوا۔ اس کے کمپاٶنڈ کی خاصی بڑی تعداد بناٸی گٸی اور بہت سے تجرباتی آلات عمل مثلا ریٹارٹ وغیرہ (Distillation)کشید بناٸے گٸے ۔عملی کیمیا گری کے دور کو بجا طور پر مسلمان ساٸنسدانوں کا دور کہا جاتا ہے ۔انھوں نے پہلی مرتبہ علم کیمیا کو ایک تجرباتی ساٸنس کی حیثیت سے پیش کیا ۔اس دور میں ان گنت تجربات کیے گٸے اور بہت سے نٸے کیمیاٸی عوامل دریافت ہوٸے 

ساٸنس کی شاخیں

(Branches of Science)

ساٸنس کی شاخیں 

ساٸنس ایک بہت ہی وسیع علم ہے ۔ساٸنس کے مطالعہ میں آسانی پیدا کرنے کے لیے اس علم کو بھی دوسرے مضامین کی طرح مختلف شاخوں میں تقسیم کر دیا گیا ہے ۔

(Physics)فزکس

فزکس وہ علم ہے جو بالخصوص مادی اشیا اور ان کی تواناٸی وغیرہ سے متعلق ہوتا ہے ۔فزکس کو پیماٸش کی ساٸنس کا نام بھی دیا گیا ہے ۔کیونکہ اس علم کا تعلق زیادہ تر ناپ تول سے ہے ۔مکینکس ،حرارت،آواز اور الیکٹریسٹی وغیرہ اس کی اہم شاخیں ہیں ۔

(Chemistry)کیمسٹری

کیمسٹری ساٸنس کی وہ شاخ ہے جس میں ترکیب (Nature)مختلف اشیا کی ماہیت اور ان کے کیمیاٸی (Composition)

کا(Chemical Properties)خواص 

Chemistry (کیمسٹری)

مطالعہ کیا جاتا ہے ۔

دنیا میں ہر وقت بے شمار کیمیاٸی تعامل واقع ہو رہے ہیں ۔ہمارے اپنے وجود کے اندر بھی بے شمار کیمیکل ری ایکشنز وقوع پذیر ہو رہے ہیں مثلاً خوراک ہضم ہونا ،خون کا بننا ،خون کا صاف ہونا وغیرہ ۔فزیکل ،نامیاتی اور غیر نامیاتی کیمسٹری اس کی اہم شاخیں ہیں۔

(Biology)باٸیولوجی 

ساٸنسی طریقوں سے جانداروں کا مطالعہ کرنے کے علم کو باٸیولوجی کہتے ہیں ۔باٸیولوجی دو یونانی الفاظ باٸی اوس اور لوگوس سے ماخوذ ہے ۔باٸی اوس کا مطلب ہے زندگی اور لوگوس کا مطلب ہے بحث ۔جاندار اشیا میں حیوانات اور پودے بھی شامل ہیں ۔اس برانچ کے تحت جانداروں کے جسم کی بناوٹ اشیا کے کام کرنے کا طریقہ کار،تولید اور نشوونما پر بحث کی جاتی ہے باٸیولوجی حیاتیاتی ساٸنسی علم ہے۔اس کی مزید دو اہم شاخیں مندرجہ ذیل ہیں۔

1(Botany)باٹنی  

پودوں کے متعلق علم کو باٹنی یعنی علم نباتات کہتے ہیں ۔اس میں پودوں کی ساخت ،نشوونما اور ان کے ماحول کے بارے بحث کرتے ہیں ۔

  2 (zoology)زوالوجی 

جانوروں کے متعلق علم کو زوالوجی یعنی علم حیوانات کہتے ہیں ۔اس میں جانوروں اور انسانوں کی جسامت اور ان کے ماحول کے بارے میں بحث کرتے ہیں ۔پودوں اور جانوروں کی زندگی میں بہت سے امور آپس میں مشترک ہیں ۔لہذا علم نباتات اور علم حیوانات کا مطالعہ ایک ساتھ کیا جاتا ہے ۔اس لیے اس مجموعی علم کو الحیات یعنی باٸیولوجی کا نام دیا گیا ہے ۔

(Astronomy)علم فلکیات 

فلکی اجسام مثلاً سورج،ستاروں اور سیاروں کے علم کو علم فلکیات یا آسڑونومی کہا جاتا ہے ۔فلکیات کے مطالعہ میں ریاضی اور فزکس کے علوم کا بہت بڑا حصہ ہے ۔

(Mathematics)ریاضی 

ریاضی ،اعداد اور پیماٸش کی خصوصیات کا علم ہے ۔جس میں حساب ،الجبرا اور جیومیڑی وغیرہ شامل ہیں ۔بہت سے دیگر ساٸنسی علوم میں ریاضی ایک مددگار کی حیثیت سے استعمال ہوتی ہے ۔

Mathematics

ان علوم کے مختلف قوانین اور تشریحات کو ریاضی کی مساوات کی شکل میں آسانی سے لکھا جاتا ہے اور ان سے ضروری نتاٸج اخذ کیے جاسکتے ہیں ۔نیوٹن اور آٸن سٹاٸن مشہور ریاضی دان گزرے ہیں۔

(Agriculture)زراعت

کھیتی باڑی کے طریقے اور دودھ دینے والے جانوروں کو پالنے کا علم زراعت کہلاتا ہے ۔

Agriculture (زراعت)

فصلوں کی بیماریاں ،ان سے بچاٶ کے طریقے ،زراعت میں استعمال ہونے والے آلات ،مشینیں ،کھادیں اور جراثیم کش ادویات کی تیاری وغیرہ اسی ساٸنس میں شامل ہیں ۔

(Medicine)میڈیسن 

یہ ساٸنس کی وہ شاخ ہے جو جانداروں کے اجسام کی ساخت ،امراض کی تشخیص ،طریقہ علاج ،ادویات کی تیاری ،تشخیص علاج میں استعمال ہونے والے آلات اور مشینوں کے علم سے متعلق ہے ۔

Medicine (میڈیسن )

(Geography)جیوگرافی 

جیو کے معنی زمین اور گرافی کے معنی گراف بندی ہیں ۔گویا جیو گرافی (جغرافیہ) کے تحت زمین کے مختلف حصوں یعنی خشکی اور تری کے علاقوں کی گراف بندی کی جاتی ہے ۔علم جغرافیہ میں کرہ ارض کے خدوخال ،زمین ،پانی ،ہوا،نباتات اور انسان کے آپس کے تعلقات سے بحث ہوتی ہے۔

ساٸنس کی مختلف شاخوں کا آپس میں تعلق 

ساٸنس کی مختلف برانچوں کا آپس میں گہرا تعلق ہے ۔مثلاً فزکس اور کیمسٹری ایک دوسرے کے لیے لازم وملزم ہیں ۔یہ نظریہ کہ مادہ مختلف ایٹموں کے ملنے سے بنا ہے علم فزکس کا موضوع رہا ہے ۔نیز ایٹم کی ساخت بھی فزکس میں شامل ہیں ۔لیکن ایٹموں کا مل کر مالیکیول بنانے کا عمل اور اس کا سبب علم کیمسٹری کا موضوع ہے ۔گویا فزکس مادے کی طبیعی خصوصیات اور ان قوانین کی وضاحت کرتی ہے جن کے تحت ایٹمز مل کر مالیکیولز بناتے ہیں ۔جبکہ مالیکیولز کا بننا کیمیاٸی خصوصیات ظاہر کرتا ہے ۔کیمسٹری اور باٸیولوجی کا آپس میں گہرا تعلق ہے باٸیولوجی میں حیاتیاتی عوامل مختلف آرگنز کا فنکشن اور ان کی ساخت بیان کی جاتی ہے ۔لیکن مختلف زندہ اجسام میں وقوع پزیر ہونے والے تمام کیمیکل ری ایکشنز کا تعلق علم کیمیا سے ہے ۔جسے باٸیو کیمسٹری یا حیاتیاتی کیمیا کہا جاتا ہے ۔

کیمسٹری اور فزکس کی مختلف مقداروں کے حسابی حل کے لیے ریاضی سے مدد لی جاتی ہے ۔کیمسٹری اور فزکس کے کٸی قوانین و اصول ریاضی سے اخذ کیے جاتے ہیں ۔ساٸنس کی چند وہ برانچیں جن میں کٸی شاخوں کے مشترکہ تصورات کا مطالعہ کیا جاتا ہے ۔درج ذیل ہیں ۔

باٸیوفزکس   

اس میں فزکس کے اصول کو مد نظر رکھ کر باٸیولوجی کا مطالعہ شامل ہے

یہ بھی پڑھیں ملٹی میڈیا کی تعرہف ۔

      باٸیو کیمسٹری    

باٸیو کیمسٹری میں کیمسٹری کے اصولوں مدنظر رکھ کر بیالوجی کا مطالعہ شامل ہے ۔

جیو فزکس   

زمین کی اندرونی ساخت اور دوسرے زمینی مظاہر کی فزکس کے قوانین سے وضاحت جیو فزکس کہلاتا ہے ۔

آسٹروفزکس   

اجرام فلکی کے بارے میں فزکس کے حوالے سے وضاحت آسٹروفزکس کہلاتی ہے۔

ساٸنس اور ٹیکنالوجی کا ہماری زندگی میں کردار

(Role of science and Technology in our life  )

ہماری زوزمرہ زندگی میں استعمال ہونے والی اشیا مثلاً کمہار کا چاک،لوہار کی بھٹی ،جولاہے کا تکلہ ،کسان کا ہل اور رہٹ ،چپوٶں سے چلنے والی کشتیاں وغیرہ سب زمانہ قدیم کے علم اور اس کی ٹیکنالوجی پر مشتمل ہیں ۔

انیسویں صدی کے نصف میں بجلی کی وسیع پیمانے پر تیاری اور ترسیل نے گھریلو اور صنعتی استعمال کے لیے بے شمار ایجادات کو  بنایا ہے ۔بجلی نہ صرف روشنی مہیا کرتی ہے بلکہ وہ گھروں اور کارخانوں میں ہزاروں مختلف مشینوں کو چلاتی ہے ۔اس سے صنعتی پیداوار میں خاطر خواہ اضافہ ہوا ہے ۔

موجودہ صدی میں ہونے والی مختلف دریافتوں نے موصلاتی نظام میں لازوال ترقی کی ہے واٸر لیس،ٹیلی فون ،ریڈیو،ٹیلی ویژن ،کمپیوٹر اور مواصلاتی سیاروں نے دنیا بھر کے نظام کو ایک لڑی میں پرودیا ۔انسان نے خلا میں سفر ممکن بنادیا ہے ۔

آج کمپیوٹر  کا دور ہے ۔جدید دور کی یہ اہم ایجاد ہے ۔جس نے زندگی کے ہر شعبے میں انقلاب برپا کر رکھا ہے ۔کمپیوٹر ( سے ای میل کے ذریعے پیغام رسانی بہت تیز ہوگٸی ہے ۔کمپیوٹر نے تصاویر کا حصول بھی بہت آسان بنادیا ہے ۔کمپیوٹر کی مدد سے گھر بیٹھے ملکی و غیر ملکی معلومات حاصل کر سکتے ہیں کیونکہ تمام کمپیوٹر انٹرنیٹ کے ذریعے ایک دوسرے سے منسلک کیے جا سکتے ہیں ۔ان معلومات کو ریکارڈ کیا جا سکتا ہے اور بعد میں صحیح طریقے سے سنا اور سمجھا جا سکتا ہے اور جسب ضرورت ان کا پرنٹ حاصل کیا جا سکتا ہے ۔

الغرض ساٸنس اور ٹیکنالوجی کی مدد سے انسان نے اپنی زندگی کو بہتر سے بہتر سہولت بہم پہنچانے کے لیے بے شمار ایجادات کی ہیں ۔اس وقت زندگی کا شاٸد ہی کوٸی پہلو ایسا ہو جو ساٸنس اور ٹیکنالوجی سے متاثر نہ ہوا ہو ۔زراعت  میں پیدا وار دینے والے بیج ،کرم کش ادویات،کیمیاٸی کھادیں ،زرعی مشینیں ،صنعت میں انقلاب لانے والی خود کار مکینیکل اور الیکٹرک مشینیں ۔مواصلات میں آواز کی رفتار سے تیز اڑنے والے ہواٸی جہاز ،برق ریل گاڑیاں اور موٹر کاریں ۔میڈیکل کے شعبے میں جان بچانے والی ادویات و تشخیصی آلات وغیرہ سب کچھ ساٸنسی تحقیق اور اس کی بدولت ٹیکنالوجی میں ہونے والی انقلابی ایجادات کی مرہون منت ہیں ۔

موجودہ ساٸنس کی حدود   

(Limitaions of Current Science )

جدید دور میں ساٸنس کی حدود وسیع تر ہوتی جا رہی ہیں ۔گزشتہ نصف صدی میں ساٸنس اور ٹیکنالوجی نے برق رفتا ترقی کی ہے زوز افزوں نت نٸی ایجادات ہو رہی ہیں ۔کل جو ناممکن نظر آتا تھا وہ آج معمولی مظہر نظر آتا ہے ۔لیکن ان تمام کامیابیوں کے باوجود بہت سے معاملات ایسے ہیں جن میں ساٸنس بے بس نظر آتی ہے ۔انسانی علم بہر حال مکمل نہیں ہو سکتا ۔ساٸنس کی بھی کچھ اپنی مجبوریاں اور حدود ہیں جن کو پھلانگ کر آگے جانا اس کے لٸے فی الحال ممکن نہیں ۔

میڈیکل کے شعبے میں جنیٹک انجینرنگ کے ذریعے ہارمون اور مختلف لا علاج بیماریوں کے خلاف ویکسیٸن تیار کر لی گٸی ہے ۔لیکن  جنیٹک بیماریاں ابھی لا علاج ہیں۔ جینوم کی سٹڈی ابھی نامکمل ہے ۔ 

نیو کلیٸرر یزجنیٹک انجینٸرنگ کی بدولت فصلوں کی بہتر اقسام کی تیاری کے باوجود بنی نوع انسان کےلٸے خوراک کا مسٸلہ پوری طرح حل نہیں ہو سکا ۔اس کے لٸے ایسی پلانٹ وراٸٹی کی ضرورت ہے جو بڑھتی ہوٸی آبادی کا ساتھ دے ۔

خلاٸی تحقیقات کی کوٸی حد نہیں ۔چاند کی تسخیر  ابھی پہلا مرحلہ ہے اس کے بعد مریخ اور نظام شمسی کے دیگر سیاروں کی تسخیر باقی ہے ۔پھر اس سے بھی آگے بڑھنا ہے ۔

جوں جوں آبادی بڑھ رہی ہے انرجی کی طلب میں اضافہ ہوتا جاتا ہے زمین کے سینے میں چھپیے صدیوں پرانے ذراٸع ختم ہو رہے ہیں لیکن ابھی تک اس رفتار سے متبادل ذراٸع دریافت نہیں کٸے جا سکے ۔پُر امن مقاصد کے لٸے نیو کلیٸر انرجی کا استعمال ضرور بڑھ رہا ہے ۔لیکن اس میں بھی الگ مساٸل ہیں صرف نیو کلیٸر ویسٹ کو ٹھکانے لگانا بھی اہم مسٸلہ بنتا جا رہا ہے ۔تمام تر تحقیقات اور ترقی کے باوجود کٸی قدرتی آفات پر کنٹرول حا صل نہیں کیا جا سکا ۔مثلاً زلزلوں کی تباہ کاریاں اسی طرح ہیں وقت سے پہلے ان کے متعلق آگاہی اور مناسب احتیاطی اقدمات میں ساٸنسدان کامیاب نہیں ہو سکے ۔اسی طرح دیگر قدرتی آفات کا مقابلہ کرنے میں انسان بے بس ہے۔

الغرض ساٸنسی ترقی جاری ہے ۔ہر وقت نٸی دریافتیں ہورہی ہیں اور علم کا داٸرہ وسیع تر ہو رہا ہے ۔ساٸنس میں تحقیقات اور جستجو کا یہ سلسلہ اگر اسی رفتار سے جاری رہا تو مستقبل آج سے یقیناً زیادہ حوبصورت ہوگا ۔ ہے