ہوم اکنامکس کی تعریف
ہوم اکنامکس کی تعلیم خاندان اور گھریلو امور کے مفہوم کو سمجھنے میں مددگار ثابت ہوتی ہے ۔نیز روز مرہ زندگی میں پیش آنے والے مساٸل اور ان کا حل کرنے کی تجاویز دیتی ہے جس کی وجہ سے حال اور مستقبل میں اپنی معلومات ،مہارت اور رویوں سے اپنی اور گھریلوں زندگی سے بھرپور فاٸدہ حاصل کیا جاسکتا ہے۔ہوم اکنامکس کے مصمون میں طالبات کو مختلف پیشہ ورانہ مہارتوں کی تربیت دی جاتی ہے ۔مثلاً
افراد اور خاندان کی ضروریات کو پورا کرنے کے لیے معاشی وانسانی ذراٸع و وساٸل کو سمجھنا ،تخلیق کرنا اور ان کا انتظام وانصرا کرنا
غذا اور غذاٸیت ،پارچہ جات وغیرہ سے آگہی ،ذراٸع پیداوار اور استعمال سے وابستہ اصول ،تکنیکی اصطلاحات کی مشق اور تنقیدی شعور بیدار کرنا۔
خاندان اور افراد کو روزگار کے انتحاب میں رہنماٸی فراہم کرنا
زندگی کے مختلف مراحل میں افراد کی نشوونما اور تربیت کے اصلوں کو مدنظر رکھنا
کچھ مخصوص حالات اور آفات میں افراد معاشرہ کےلیے تحفظ اور تربیت فراہمی کرنا
ہوم اکنامکس کے معنی
ہوم اکنامکس کے معنی " گھریلو معاشیات " ہیں ۔یہ بہت وسیع مضمون ہے اور اس کا تعلق گھر کے تمام معاملات اور کام کاج سے ہیں ۔گھریلو امور میں کھانا پکانا ،لباس کی تیاری ،بچوں کی دیکھ بھال ، گھر کی صفاٸی اور معاشی انتظام شامل ہیں ۔ان تمام گھریلو امور کے بخوبی سر انجام پانے کا انحصار خاتون خانہ کی ذہانت ،تربیت اور انتظامی صلاحیتوں پر ہوتا ہے ۔ہوم اکنامکس فرد ،خاندان اور گھر سے متعلق ایک مربوط ومرتب ساٸنسی تعلیم ہے جس میں اچھی اور متوازن غذا ،خوشنما لباس ،پر سکون اور مطمٸن گھریلو ماحول اور صحت مند جسمانی و نفسیاتی اور ذہنی ماحول سے متعلق تربیت دی جاتی ہے ۔
ہوم اکنامکس کی تعریف
ٹیٹ ماٸلڈرڈ نے اپنی کتاب میں ہوم اکنامکس کی تعریف یوں بیان کی ہے " ہوم اکنامکس دو لفظوں ہوم اور اکنامکس کا مجموعہ ہے۔ ہوم سے مراد گھر اور اکنامکس یونانی زبان کے مرکب لفظ "اکوس اور نوموس سے ماخوذ ہے ۔
اکوس کے معنی گھریلو املاک اور نوموس کا مطلب انتظام ہے ۔اس طرح سے ہوم اکنامکس کے معنی خاندان اور افراد خانہ کی سرگرمیاں وباہمی تعلقات اور املاک کے انتظامات ہیں ۔
ولیم اور لاٸل کے مطابق ہوم اکنامکس کی تعریف
ولیم اور لاٸل کے مطابق " ہوم اکنامکس کی تعلم گھر اور خاندانی زندگی کی سرگرمیوں کا احاطہ کرتی ہے۔ افراد خانہ کے لیے خوراک ،لباس اور رہاٸش سے متعلق معلومات فراہم کرتی ہے "
لِپٹ اور براٶن کے مطابق ہوم اکنامکس کی تعریف
لِپٹ اور براٶن نے ہوم اکنامکس کی تعریف مندرجہ ذیل الفاظ میں کی ہے ۔
ہوم اکنامکس سے مراد گھریلو ساٸنس ہے یعنی یہ ایک ایسا عملی مضمون ہے جس کے مطالعے سے فرد اپنے ذراٸع کا بہترین استعمال کرکے اپنے گھر کا انتظام اس طریقے سے کرے جو خاندان کی زیادہ سے زیادہ بھلاٸی اور فاٸدے کا باعث ہو تاکہ ایک خوش وخرم گھرانے کی تشکیل ہو سکے ۔
ہوم اکنامکس کی تعلیم چونکہ ملک وقوم کے معاشی ،معاشرتی ور تعلیمی نظام پر اثر انداز ہوتی ہے ۔اس لیے یہ ساٸنس ،آرٹس اور جدید دور کے دیگر علوم کے ساتھ ہم آہنگ ہوکر مساٸل کو حل کرنے میں مدد دیتی ہے ہوم اکنامکس کے اہم مقاصد درج ذیل ہیں ۔
گھریلو انتظام میں مہارت
گھریلو زندگی کےوساٸل و ذراٸع کے استعمال کے طریقوں کو بہتر بنانا اور ایسے جدید طریقے اختیار کرنا جن میں وقت وقوت کا استعمال کم سے کم اور افراد خانہ کی ضروریات کی تشفی زیادہ سے زیادہ ہو ۔
معاشرتی زندگی کی بنیادی اقدار کی شناخت
افراد کو زندگی بسر کرنے کے طور طریقے اور معاشرتی و اجتماعی زندگی کی بنیاد اقدار کو سمجھنا جن کی بدولت وہ معاشرے کے ایک مفید ،کار آمد اور قابل فخر شہری بن سکیں
آمدنی اور اخراجات میں توازن قاٸم کرنا
محدود آمدنی و وساٸل اور لامحدود خواہشات کا حساب رکھنے کی باقاعدہ مشق کروانا ،آمدنی بڑھانے کے طریقے سکھانا نیز آمدنی و اخراجات میں توازن پیدا کرکے بچت کے طریقے سکھانا تاکہ ہر قسم کی ناگہانی پریشانی سے بچاٶ ممکن ہو سکے ۔
خاندان کے ذراٸع و وساٸل کا بہترین استعمال
خاندان کے ذراٸع و وساٸل کے استعمال کے ایسے طریقےاختیار کرنا جن سے بہترین معاشی و معیاری زندگی کا حصول ممکن ہو نیز خوراک ،لباس اور دیگر گھریلو اخراجات کے بارے میں ایسی منصوبہ بندی کرنا جو خاندان کی متعین کردہ اقدار و مقاصد کے حصول میں مددگار ثابت ہو ۔
افراد خانہ اور بچوں کے لیے خوشگوار گھریلو ماحول
بچوں کی ذہنی ،معاشرتی اور جسمانی نشوونما کی جانب خصوصی توجہ دینا اور گھر میں خوشگوار ماحول پیدا کرنا تاکہ افراد خانہ عمر کے ہر دور میں اپنی زندگی خوش وخرم اور کامرانی سے گزار سکیں ۔
خاندان کی رہاٸشی ضروریات
خاندان کے وساٸل و ذراٸع کے مطابق افراد خانہ کو بہتر رہاٸشی سہولیات فراہم کرنے کے بارے میں وضع کردہ اصول بتانا نیز گھر کو صاف ستھرا اور آرام دہ بنانے کے طریقے سے آگاہ کرنا تاکہ بہتر رہاٸشی سہولیات کو ممکن بنایا جاسکے ۔
بچوں کی پرورش
بچوں کی جسمانی ،ذہنی ،جذباتی اور نفسیاتی نشونما کے ساتھ ساتھ ان کے رجحانات ،دلچسپیوں اور صلاحیتوں کے بارے میں معلومات فراہم کرنا تاکہ ان کی پرورش اور رہنماٸی بہتر انداز میں ہوسکے ۔
ہوم اکنامکس کے مختلف شعبہ جات
ہوم اکنامکس ایک مضمون ہی نہیں بلکہ یہ بہت سے مضامین کا مجموعہ ہے جو زندگی میں ہر قدم ر افراد کی رہنماٸی کرتا ہے ۔
غذا اور غذاٸیت
پارچہ بافی اور لباس
گھریلو انتظام اور ماحولیات
انسانی نشونما اور خاندانی علوم
آرٹ اور ڈیزاٸن
غذا اور غذاٸیت
اس مضمون میں غذاٸیت بر قرار رکھنے کے طریقے جانا ،صحت اور غذا کا باہمی تعلق پہچاننا ،متوازن غذا کی مقدار کا تعین کرنا ،غذاٸی اجزا کی اہمیت پہچاننا ،پکانے کے طریقے کے ذریعے کھانوں کے ذاٸقے ،خوشبو اور غذاٸیت پر اثرات پرکھنا ،غذاٸی اجناس کی خرابی کی وجوہات جاننا نیز غذاٸی خرابی کی روک تھام کرکے غذا کو محفوظ کرنے کے طریقے اپنانا وغیرہ شامل ہیں ۔
پارچہ بافی اور لباس
اس مضمون میں لباس کا انتحاب بلحاظ شخصیت ،موسم ،موقع و محل اور آمدنی ،کپڑوں کی کٹاٸی و سلاٸی کے طریقے ،کپڑوں کی خریداری ،ریشوں کی پہچان و ذراٸع اور کپڑے کی بناوٹ و تکمیلی عوامل سے متعلق مکمل معلومات فراہم کی جاتی ہیں ۔
گھریلو انتظام اور ماحولیات
اس مضمون میں خاندان کے اقدار و مقاصد ،ذراٸع و وساٸل کے انتظام وانصرام ،حفظان صحت کے اصولوں ،ماحول کو بہتر بنانے کے طریقوں ،عام بیماریوں کی وجوہات اور ان سے بچاٶ کی تدابیر سے متعلق معلومات فراہم کی جاتی ہیں ۔
انسانی نشونما اور خاندانی علوم
اس مضمون کا داٸرہ کار بچہ ،خاندان ،خاندان پر اثر انداز ہونے والے عوامل ،شخصیت کی نشوونما ،خاندانی تناٶ و بحران اور شخصیت کی تعمیر میں سماجی تربیت کے اثرات ہیں ۔بچے کی جسمانی ،ذہنی ،شخصی و معاشرتی نشونما،خاندان کی اہمیت و تنظیم اور افراد خانہ کے آپس کے تعلقات کو بھی اس مضمون میں اہمیت دی جاتی ہے ۔
آرٹ اور ڈیزاٸن
اس مضمون میں گھر کو آرام دہ خوبصورت بنانے کے اہم نکات
مثلاً گھریلو آراٸش میں رنگوں کے مناسب انتحاب ، آرٹ اور ڈیزائن کے عناصر و اصولوں کا استعمال اور آرام دہ فرنیچر کا انتحاب وغیرہ شامل ہیں ۔
.jpeg)
.jpeg)
.jpeg)
.jpeg "چاولوں کی پنیاں بنانے کا طریقہ")
.jpeg "مونگ پھلی کھانے کے فوائد اور کچھ نقصانات")
.jpeg "بجلی کے فواٸد اور نقصانات")
