غذا کی تعریف
( Definition of Food )
ہم زندہ رہنے کے لیے جو چیز کھاتے یا پیتے ہیں وہ خوراک یا غذا کہلاتی ہے ۔
 |
| (Definition of food)غذا کی تعریف |
خوراک اور غذا میں فرق ہوتا ہے ۔کہ ہر کھاٸی جانے والی چیز غذا نہیں ہوتی بلکہ غذا میں غذاٸی اجزا شامل ہونے سے وہ غذا صحت بخش اور تواناٸی بخش ہو جاتی ہے ۔
غذا جو ہم نباتاتی یا حیواناتی ذراٸع سے حاصل کرتے ہیں اس کا رنگ ،ذاٸقہ اور خوشبو جدا جدا ہوتی ہے ۔یہ بھی حقیقت ہے کہ کوٸی جاندار غذا کے بغیر زندہ نہیں رہ سکتا لیکن سوال یہ پیدا ہوتا ہے کہ غذا تو تمام جاندار کھاتے ہیں تو پھر کچھ افراد صحت مند اور تندرست دکھاٸی دیتے ہیں جبکہ دیگر افراد نحیف ونز ار اور بیمار ہوتے ہیں ۔سو ثابت ہوا کہ غذا یا خوراک سے مراد یہ نہیں کہ جو بھی چیز میسر آٸے اسے کھا لیا جاٸےبلکہ انسانی جسم کو صحت مند رکھنے ،اس کی صحیح نشوونما کارکردگی اور درستگی کے لیے ایسی خوراک کی ضرورت ہوتی ہے جو جسم کے تمام افعال کو نہ صرف بہتر طریقے سے پورا کرے بلکہ پیٹ بھرنے کا بھی باعث ہو اور بیماریوں سے بچانے کی ضمانت بھی دے سکے ۔
غذاٸیت کی تعریف
( Definition of Nutrition )
غذاٸیت کا لفظ لاطینی زبان کے لفظ سے اخذ شدہ ہے جس کے معنی خوراک بہم پہنچانا یا غذا سے پرورش کرنا ہیں ۔زندگی کو برقرار رکھنے کے لیے غذاٸیت کے علم کی بہت اہمیت ہے ۔غذاٸیت غذا اور غذاٸی اجزا سے متعلق ساٸنس ہے جس میں ان کے کیمیاٸی عمل ،باہمی ردعمل اور صحت و بیماری کے درمیان توازن پر معلومات فراہم کی جاتی ہیں ۔
عام طور پر یہ خیال کیا جاتا ہے کہ غذا غذاٸیت دراصل ایک ہی چیز ہے اور زیادہ تر افراد یہ سمجھتے ہیں کہ وہ جو غذا بھی کھالیں جس میں ان کی شکم سیری ہو جاٸے وہ ان کی نشوونما کے لیے بھی بہتر ہے حالانکہ ایسا نہیں ہے ۔غذاٸیت دراصل ایسے کیمیاٸی اعمال کا مجموعہ ہے جس سے جسم کے تمام حصے ایسے غذاٸی اجزا حاصل کرتے ہیں جو جسم کے تمام حصوں کے درست کام،نشوونما اور صحت کے لیے ضروری ہے ۔
غذاٸی اجزا کی تعریف
( Definition of Nutrients )
غذاٸی اجزا غذا کے وہ چھوٹے بڑے پیچیدہ کیمیاٸی اجزا ہیں جن سے مل کر غذا بنتی ہے اور یہی غذاٸی اجزا ہمارے جسم کو غذاٸیت بخشتے ہیں جس سے انسانی صحت برقرار رہتی ہے ۔
کوٸی ایک خوراک جسم کی تمام ضروریات کے لیے کافی نہیں ۔دودھ کو ایک مکمل غذا تصور کیا جاتا ہے لیکن اس میں وٹامن سی اور آٸرن موجود نہیں ہوتے ۔انڈے میں کاربوہاٸیڈریٹس نہیں ہوتے
 |
| دودھ اور انڈے |
اناج میں ان کی مقدار زیادہ ہوتی ہے یوں تمام غذاٶں میں غذاٸی اجزا یا تو مختلف ہوتے ہیں یا پھر ان میں غذاٸی اجزا کی مقدار مختلف ہوتی ہے ۔اگر کھانے پینے کی اشیا کا کیمیاٸی تجزیہ کیا جاٸے تو غذا درج ذیل چھ بنیادی اجزا پر مشتمل ہوتی ہے ۔جن کو غذاٸی اجزا کہا جاتا ہے ۔مثلاً
پروٹین
چکناٸی
وٹامن
پانی
معدنی نمکیات
کاربوہاٸیڈریٹس
غذاٸی اجزا انسانی صحت و تندرستی ،نشوونما اور بقا کے لیے لازمی ہیں اور یہ غذاٸی اجزا مختلف انواع واقسام کی غذاٶں میں وافر مقدار میں پاٸے جاتے ہیں۔
پروٹین ،کاربوہاٸیڈریٹس اور چکناٸی نسبتاً زیادہ مقدار میں جسم کو درکا ہوتے ہیں اس لیے انہیں میکرو غذاٸی اجزا کہتے ہیں ۔جبکہ وٹامن اور نمکیات جسم کو قلیل مقدار میں درکار ہوتے ہیں اس لیے انہیں ماٸیکرو غذاٸی اجزا کہتے ہیں ۔
غذا کے بنیادی کام
(Basic Functions of Food)
کوٸی بھی خوراک جب انسانی جسم میں داخل ہوتی ہے تو وہ ہضم ہونے کے بعد کیمیاٸی مادوں میں تبدیل ہو کر جسم میں استعمال ہوتی ہے ۔مثلاً گوشت ،مچھلی ،دودھ وغیرہ پہلے پروٹین اور پھر امینوایسڈ میں تبدیل ہوکر ہمارے جسم کی نشوونما کرتے ہیں ۔
 |
| مچھلی دودھ اور گوشت |
حرارت اور تواناٸی فراہم کرنا
خلیات کی نشوونما اور تعمیر ومرمت کرنا
جسمانی نظاموں کی درستگی اور بیماریوں کے خلاف قوت مدافعت پیدا کرنا
کیا یہ درست ہے
آپ نے بزرگوں کو اکثر یہ کہتے سنا ہوگا کہ روٹی کھانے سے طاقت ملتی ہے آپ کے خیال میں کیا یہ درست ہے ۔
حرارت وتواناٸی فراہم کرنا
خوراک جسم میں ایندھن کی طرح جل کر حرارت پیدا کرتی ہے ۔جو ہمارے کام کرنے ،پڑھنے ،بھاگنے دوڈنے اور اٹھنے بیٹھنے میں استعمال ہوتی ہے ۔یہ تواناٸی ہمیں سونے کی حالت میں بھی درکار ہوتی ہے کیونکہ دل کے دھڑکنے ،پھیپھڑوں کے سانس لینے اور دیگر کاموں کے لیےبھی تواناٸی خرچ ہوتی ہے ۔غذا ہمارے جسم کا معیاری درجہ حرارت برقرار رکھنے میں بھی مدد دیتی ہے ۔
خلیات کی نشوونما اور تعمیرومرمت کرنا
غذا خلیات کی نشوونما اور اعضا ٕ کی تعمیر اور مرمت کی بھی ذمہ دار ہوتی ہے ۔جب بچہ پیدا ہوتا ہے تو وہ بہت چھوٹا ہوتا ہے اس کی ہڈیاں، عضلات اور پٹھے چھوٹے اور نرم ہوتے ہیں لیکن جیسے جیسے بچہ بڑھتا ہے اس کی ہڈیاں اور عضلات نہ صرف مضبوط بلکہ ساٸز میں بھی بڑے ہو جاتے ہیں ۔
یہ تمام نشوونما اچھی غذا سے ہی ممکن ہے ۔مسلسل کام کرنے سے خلیات ناکارہ اور مردہ ہوتے رہتے ہیں ۔خوراک جسم کے خلیات اور جسم کی تمام بافتوں مثلاً ٹھوس(ہڈی و دانت وغیرہ ) نیم ٹھوس ( دل گردے ،جگر ) اور سیال (خون ،ہارمونز ) بافتوں کی تعمیر اور مرمت کے لیے بھی لازمی ہے ۔
جسمانی نظاموں کی درستگی اور بیماریوں کے خلاف قوت مدافعت پیدا کرنا
غذا کا بنیادی مقصد جسم کو تندرست و توانا رکھنا اور بیماریوں کے خلاف قوت مدوافعت پیدا کرنا ہے تاکہ کوٸی بھی بیماری اس پر حملہ آور نہ ہو سکے ۔ماحول میں موجود آلودگی مثلاً ہوا،فضا ،پانی اور مٹی کے بیکڑیا کے خلاف جسم کو مضبوط بنانا ہے تاکہ وہ بیماریوں کا مقابلہ کرسکے ۔غذا بافتوں میں پانی کے توازن کو برقرار رکھتی ہے اور اعصاب اور نظاموں کی درست کارگردگی کے لیے اہم ہے ۔
.jpeg)
.jpeg)
.jpeg)
.jpeg "چاولوں کی پنیاں بنانے کا طریقہ")
.jpeg "مونگ پھلی کھانے کے فوائد اور کچھ نقصانات")
.jpeg "بجلی کے فواٸد اور نقصانات")
